XMAS WISHLIST #2

Það styttist óðum í jólin og hver fer að verða síðastur að kaupa jólagjafir.

Hér eru nokkrar fínar jólagjafahugmyndir!

Góðar hárvörur er must have fyrir bæði konur og karla. Ég hef ekki persónulega reynslu af Aveda hárvörunum en hef heyrt rosalega góða hluti. Ég væri sko alveg til í að eiga þessa línu frá þeim þar sem að ég er krullukona í augnablikinu. Aveda er einnig með rosalega góðar og flottar húðvörur sem væri ekki síður gaman að eiga.

Það er alltaf gaman að fá bækur um jólin og eiginlega er það skylda. Mér finnst rosalega gaman að eiga tísku/hönnunarbækur enda eru þær ekki bara skemmtilegar að glugga í heldur hið fallegasta stofudjásn.

Ég held það hafi ekki farið framhjá neinum að Moroccanoil vörurnar eru þær vinsælustu í dag. Ég hef bæði notað olíuna og hárspreyið og verð að segja að hárspreyið er eitt það besta sem ég hef prófað.

Væri ekkert á móti þessum marmara rúmfötum eða púðaveri frá Ferm living. Fæst í Hrím.



Veggverk eftir Kristinu Krogh eru einnig á óskalistanum. Kosta 16.900 kr í Hrím.



Fashionology skartið fæst í Gk Reykjavík. Sniðug gjöf til að hafa með í jólapakkanum.


-KAV