INSTA INSPO

@lindahallbergs

Þetta instagram byrjaði ég að followa fyrir nokkru síðan og er mikill aðdáandi.

Þó svo að make-up sé ekki mín helsta ástríða þá finnst mér þessi stelpa bara svo afskaplega töff.
Mér finnst septum lokkurinn hennar á efstu tveimur myndunum ekkert smá flottur. Ef ég væri með gat þarna mundi ég klárlega fá mér eins!

 Svo er ég að missa mig yfir buxunum á neðstu myndinni! Þær eiga að fást hér en sé þær hvergi svo það er mjög líklegt að þær séu uppseldar:/

Mæli með því að fylgja Lindu á instagram og kíkja á bloggið hennar.

-KAV

JÓLÓ

Í gærkvöldi ákvað ég að það væri betri hugmynd að föndra mér jólakrans frekar en að læra fyrir próf... 

Jólin eru uppáhalds hátíðin mín og ég elska þennan tíma. Undirbúninginn, stússið og allt saman.
Ég bý með einum Grinch sem hneikslaðist á jólaóðu konunni sinni í gær því það er sko bara nóvember!

En aftur að kransinum. Ég föndraði semsagt jólakrans sem ég mun sýna ykkur á næstu dögum. 

Ég gerði tvær týpur sem eru mjög einfaldar og mun birta myndir innan skamms. 

Stay tuned

-KAV

OSLO

Skrapp til Osló yfir helgina að heimsækja vinkonu mína - snilldarferð!

Jakki: Warehouse

Þessi mynd er tekin í Vigeland Park, ekkert smá einstakur garður.

- JennýJune

HATTUR

Eftir að hattablætið mikla hófst þá hefur hattur með sylgju verið ofarlega á óskalistanum.

Hann fann ég loksins í Kolaportinu góða.

Hattinn fékk ég á litlar 5.500 kr. og hann er ítalskur úr 100% ull. Það tel ég nokkuð góð kaup fyrir þennan glæsilega hatt.

Það voru til nokkrir litir, brúnn, ljósbrúnn, dökkblár og svartur en þessi ólifugræni heillaði mig mest.

Ég notaði hann meðal annars á Airwaves við þetta dress: 

Kjóll: Beyond retro // Skyrta: Kolaportið // Belti: Nostalgía

Hvítu chiffon skyrtuna fékk ég einnig í Kolaportinu fyrir nokkru síðan og hef ekki náð að mana mig upp í að klæðast henni fyrr en um síðustu helgi.
Mér finnst ég alltaf eins og einhver karakter úr Shakespeare þegar ég fer í hana en við rétta dressið finnst mér hún virka.

-KAV

GLOBE MOBILE

Þegar ég var stödd í Svíþjóð í sumar ákvað ég að skella mér á einn svona hnattar óróra.
Ég er ekki viss hvað ég var að spá þegar ég keypti hann en eina sem ég vissi var að ég varð að eignast hann. Ég held ég hafi ekki gert mér grein fyrir því hversu mikið pláss hann tekur og stærðinni á íbúðinni okkar. Svo besti staðurinn fyrir óróann í augnablikinu er í geymslunni:/ 

Ég varð samt sem áður að deila þessari fegurð með ykkur. Ég fór að googla globe mobile og komst að því að þetta er nokkuð heitt trend í barnaherbergjum eða svokölluðu "nursery".

Kaninn er nokkuð gjarn á að hafa þema í ungbarna herbergjum sem mér finnst nú nokkuð mikil klysja.

Nú er bara spurning hvar ég get hengt hann upp. Ég var búin að sætta mig við að hafa hann bara í geymslunni þangað til á næsta heimili en langar helst að hengja hann upp sem fyrst.

Þetta virðist agalegur hausverskur og lúxusvandamál.
Ég held ég verði að bjóða Völu Matt í kaffi og ræða þessa hluti.

 Óróinn fæst hér.

-KAV

SÓLEY

Það þekkja eflaust flestir íslensku, lífrænu Sóley vörurnar. Ég er búin að vera nota tvær vörur frá Sóley núna daglega í nokkrar vikur.
Áður en ég byrjaði að nota þær var ég að fá reglulega bólur hér og þar - sem er frekar óvenjulegt hjá mér. En ég held að það hafi tengst menguninni og því að það var byrjað að vera kaldara.
Byrjaði svo að nota Glóey andlitsskrúbb og svo Eygló andlitskremið eftir á daglega.

Veit ekki hvort það hafi verið tilviljun en húðin min er orðin betri núna.
Snilldarvörur!

GLÓey

" Fjarlægir húðflögur, stuðlar að endurnýjun húðarinnar og eykur vellíðan. Þessi djúphreinsandi maski er nærandi og stuðlar að sléttri og geislandi húð, dregur úr ummerkjum öldrunar og auðveldar húðinni að drekka í sig næringarefni og raka. Í GLÓey eru marðir ólífukjarnar, hressandi minta (þunglyndislyf í ilmolíumeðferð) og handtíndar, villtar, íslenskar jurtir sem vinna saman við að endurvekja náttúrulegan ljóma húðarinnar. ,,

eyGLÓ 

"eyGLÓ nærir húðina og kallar fram náttúrulegan ljóma hennar. Þykkt andlitskrem sem inniheldur mikið af andoxunarefnum sem lífga upp húðina og fá þurra og líflausa húð til að ljóma og auka einnig teygjanleika og endingu hennar. eyGLÓ inniheldur einstaka blöndu af kvöldvorrósarolíu og handtíndum villtum íslenskum jurtum sem næra, mýkja og hafa róandi áhrif á húðina ásamt því að gefa raka.,,

Þessar vörur fást m.a. í Kraum, Lyfju og Heilsuhúsinu

- Jenný June

OUTFIT

Föstudags outfittið mitt á Airwaves leit svona út.

Bolur: Topshop // Buxur: Dr. Denim // Kimono: Gamall sloppur frá mömmu // Skór: Nostalgía

Alveg hreint mögnuð helgi að baki sem endaði með The Flaming Lips tónleikum í gærkvöldi !! 

Takk fyrir mig Airwaves!

Ég var nokkuð dugleg á instagram á meðan hátíðinni stóð fyrir ykkur sem viljið fylgjast með, @kolavig

-KAV

B&W AIRWAVES

 

Þið verðið að afsaka ef þessir Airwaves póstar eru farnir að vera pirrandi þetta er bara svo heví gaman!!
Þessar myndir eru frá fimmtudag og föstudag. 

Á fimmtudaginn sá ég meðal annars meistarann Kött Grá Pje á Húrra. Síðan sá ég Reykjavíkurdætur, Samaris og endaði svo kvöldið á Himbrimi.

Á föstudagsmorgninum beið ég í 3klst í röð til þess að fá miða á The Flaming Lips sem loka hátíðinni á sunnudaginn.

Eins og sést á myndinni að ofan myndaðist allsvakaleg röð og hún náði alveg langt út fyrir Hörpuna.

En í gær sá ég Sinfóníuhljómsveit Íslands spila verk eftir Jóhann Jóhannsson sem var stórbrotið.
Ég hef aldrei farið á sinfóníu áður þannig að þetta var svakaleg upplifun.

Eftir þetta sá ég Farao frá Noregi sem var geggjað og svo náði ég að sjá smá af Önnu Calvi og Vök.

Svo í kvöld er kvöldið sem ég hef beðið hvað mest eftir, að sjá Unknown Mortal Orchestra og The Knife!

Góða helgi

-KAV

FYRSTI Í AIRWAVES

Iceland Airwaves hófst í gær og að sjálfsögðu læt ég mig ekki vanta á þessa skemmtilegu tónleikaveislu.

Það sem ég fór að sjá í gær:

Júníus Meyvant 

Mugison
Ásgeir Trausti

Sin Fang

Moses Hightower

Ekta íslenskt þetta kvöldið!  

Sjáumst á Airwaves!
-KAV

ÞRENNT

Þrennt frá Body Shop:

File A Foot

Þennan nota ég í sturtunni fyrir hælinn aðallega þar sem húðin mín verður svo rosalega þurr þar. 

Long Handled Cactus Bath Brush

Þessi líkamskaktusbursti er æði. Ég reyni að nota hann einu sinni á viku áður en ég fer í sturtu.

Double Ended Blackhead Remover

Keypti þennan fyrir stuttu. Var orðin svo rosalega þreytt á fílapenslunum mínum á nefinu! Hef prófað ótal maska og krem sem hefur verið mælt með en finnst ekkert virka neitt almennilega. 

Mér finnst þetta svínvirka, en getur verið rosa vont að nota það. 

Þetta er allt sem mér finnst virka fyrir mína húð en þarf ekki að vera að þessir hlutir séu fyrir alla.

- JennýJune